Wednesday, 21 January 2009

شک ، سازش اور ہم

' یہ جو ہمارے فلاں رشتہ دار ہیں۔ آج کل بڑے اچھے بننے کی کوشش کر رہے ہیں۔ مجھے تو شک ہے کہ ہو نہ ہو یہ ہم سے کوئی فائدہ اٹھانے کے چکر میں ہیں۔'
'تمہارے سسرال والے بہت سازشی لگتے ہیں۔ بچ کر رہنا۔' :D
' یہ جو لوڈ شیڈنگ کا مسئلہ بڑھتا جا رہا ہے۔ اس میں 100 فیصد امریکہ کا ہاتھ ہے۔'
' مسلمانوں میں نا اتفاقی اور مذہب سے دوری اصل میں کسی صیہونی سازش کا نتیجہ ہیں'
روز مرہ زندگی میں اکثر ایسے جملے سننے اور پڑھنے کو ملتے ہیں۔ یہ حقیقت ہے کہ خاندانی ، ملکی اور عالمی ہر سطح پر ایکدوسرے کے خلاف سازشیں ہوتی بھی ہیں اور ہم ان کا نشانہ بھی بنتے ہیں لیکن جہاں اپنا قصور ہووہاں بھی الزام عموماً دوسروں کے سر ڈال دیا جاتا ہے۔ کئی بار تو یوں لگتا ہے جیسے شک اور سازش کا ذکر کئے بغیر ہماری زندگیاں نامکمل رہ جائیں گی۔ :hmm:
اگر ان دو الفاظ کے استعال پر پابندی لگا دی جائے تو قوم کا کیا بنے گا جہاں ہر دوسرے واقعے کے ڈانڈے کسی نہ کسی سازش سے ملانا ایک معمول بن چکا ہے۔
ہم لوگ جو وقت دوسروں پر شک کرنے میں لگاتے ہیں وہ تو فراغت میں ہی ضائع ہو جائے گا۔ :cry:
بیچارے ہمارے وزیرِ اعظم تو پھر میڈیا سے بات ہی نہیں کر سکیں گے کیونکہ ان کے پاس سوائے یہ کہنے کہ 'ہم اپنی حکومت کو کسی سازش کا نشانہ نہیں بننے دیں گے' ، اور کچھ ہوتا ہی نہیں۔ :D
محترم صدر اور ہماری عوامی پارٹی کا بی بی نامہ بھی کتنا مختصر ہو جائے گا۔ :daydream
ٹی وی چینلز پر اپنی ہر گفتگو میں امریکی اور صیہونی سازشوں کا حوالہ دہنے والوں کا کیا بنے گا۔ ;)
اور سب سے بڑھ کر میرے 11 سالہ کزن کا کیا ہو گا جو اپنے بہن بھائیوں یا کزنز کو آپس میں کھسر پھسر کرتے دیکھ کر فوراً بیان جاری کر دیتا ہے کہ یقیناً اس کے خلاف کوئی سازش کی جا رہی ہے۔ :ainko

19 comments:

  • عبدالقدوس says:
    21 January 2009 at 23:54

    دراصل اس قوم کو رشورت اور دھوکا دہی اسقدر دی گئی ہے کہ اب اس کو اچھا بھی بُرا لگتا ہے :funny

    عبدالقدوس \\\´s last post: کیلنڈر پلگ برائے ورڈ پریس

  • زین زیڈ ایف says:
    22 January 2009 at 01:52

    :cn بہت خوب ۔ زبردست لکھا ہے ۔

    سب سے زیادہ شک تو خواتین کرتی ہیں‌۔ :bgrin
    ---------
    تھیم بہت خوبصورت لگ رہا ہے ۔ مبارک ہو

    زین زیڈ ایف \\\´s last post: اسرائیلی دہشت گردی کے خلاف احتجاج کریں

  • مکی says:
    22 January 2009 at 01:55

    یہ بھی ایک سازش ہے.. :D

    مکی \\\´s last post: ٹارزن

  • شعیب صفدر says:
    22 January 2009 at 02:11

    ہمیں اندازہ ہو رہا ہے کہ اس پوسٹ کے پیچھے کس کی سازش ہے!!!
    ویسے تھیم اچھا لگایا ہے آپ نے!!!!

    شعیب صفدر \\\´s last post: غزہ کے بچوں کے نام

  • راشد کامران says:
    22 January 2009 at 02:59

    اس میں‌تو کوئی شک ہی نہیں کہ شک اور سازش ہمارے دو ہتھیار ہیں جن کے سہارے ہم ٹھاٹھ سے ذمہ داریوں سے مبرا زندگی گزار رہے ہیں۔

    راشد کامران \\\´s last post: چھوٹی سی بات

  • محمد وارث says:
    22 January 2009 at 10:18

    بالکل صحیح لکھا ہے فرحت!

  • آن لائن اخباری رپوٹر says:
    22 January 2009 at 13:37

    ارے واہ، نیا تھیم؟ شاباش۔ :party اب تڑیٹ ہو جائے نئے تھیم کی خوشی میں؟ :thnko

    آن لائن اخباری رپوٹر \\\´s last post: Institute of Public Health Punjab official website launch

  • ڈفر says:
    22 January 2009 at 16:57

    واہ واہ واہ
    سبحان اللہ
    کیا بات ہے
    بہت اعلیٰ
    میری طرف سے اتنے اچھے تھیم کو لگانے پر مبارکباد قبولیں :party
    اور جہاں تک بات ہے وزیر اعظم کی، وہ اب بھی کونسا بول سکتے ہیں :silly

  • افتخار اجمل بھوپال says:
    22 January 2009 at 19:03

    :dont ناں بی بی ناں ۔ ان باتوں سے نہ منع کرنا ۔ مر جائیں گے بیچارے ۔ یہ ہی تو ہیں جن پر ہماری قوم کی اکثریت زندہ ہے ۔

    افتخار اجمل بھوپال \\\´s last post: قانون اور ہموطن

  • شکاری says:
    22 January 2009 at 23:41

    شک بہت اچھی چیز ہے اس سے ہماری قوم کا وقت اچھا گزر جاتا ہے اگر یہ نہ ہوتا تو پھر پاکستانی قوم نے کیا کرنا تھا۔ :humm

    آپ اتنی اچھی اچھی تھیمز کہاں سے ڈھونڈ لاتی ہیں میں تین دن سے اپنے بلاگ کے لیے تھیم ڈھونڈ رہا ہوں کوئی پسند ہی نہیں آرہی۔ :dntelme

  • ڈفر says:
    23 January 2009 at 11:12

    یہ تھیم واقعی کمال ہے
    ای درخواست پیش کر دو بی بی کے حضور
    امید ہے کوئی اچھا تھیم تمہیں بھی مل جائے گا
    تمہاری سائیٹ کو اور عبدالقدوس کی سائیٹ کو واقعی ضرورت بھی ہے اچھے تھیم کی :D
    عبدالقدوس کو زیادہ ;)

    ڈفر \\\´s last post: ہلا گلا

  • فیصل says:
    23 January 2009 at 22:21

    سازشوں‌کی تو پوری تھیوری موجود ہے جناب:
    http://en.wikipedia.org/wiki/Conspiracy_theory
    ویسے میل گبسن کی ایک فلم بھی ہے جسمیں‌وہ اس تھیوری کو ثابت بھی کر دیتا ہے۔
    سنا ہے نجی زندگی میں‌وہ یہودیوں‌کے بڑا خلاف ہے۔ :D

  • شکاری says:
    23 January 2009 at 22:47

    ابھی تک تو بی بی ہی غائب ہیں۔

    شکاری \\\´s last post: فلسطین کے لیے چند مصرعے

  • فرحت کیانی نے لکھا :۔
    23 January 2009 at 23:34

    عبدالقدوس: رشوت اور دھوکہ دینے والے بھی تو ہمی میں سے ہیں۔
    زین زیڈ ایف: صحیح کہا زین۔ پوسٹ کے پہلے دو جملے اکثر خواتین کے منہ سے ہی سنے جاتے ہیں :D
    تھیم پسند کرنے کے لئے بہت شکریہ :)
    مکی: بالکل۔ بیرونی طاقتوں کے ملوث ہونے کا امکان بھی ہو سکتا ہے :D
    شعیب صفدر: یہ بھی کہیں ناں کہ اس سازش کو بے نقاب نہیں کیا جا سکتا ۔ غیر ملکی دوست ناراض ہو جائیں گے :party
    تھیم کی پسندیدگی کے لئے بہت شکریہ! :)

  • فرحت کیانی نے لکھا :۔
    23 January 2009 at 23:45

    راشد کامران: اور یہی ہماری قوم کا المیہ ہے :cry:
    محمد وارث:بہت شکریہ وارث :)
    آن لائن اخباری رپوٹر: بہت شکریہ :) پچھلے تھیم کی سائڈ بار نے کافی پریشان رکھا مجھے۔ آپ نہ بتاتے تو شاید اندازہ نہیں ہوتا۔ :) ٹریٹ ضرور ہونی چاہئیے۔ سب وزیٹرز کے لئے گرما گرم کافی :coffee :)
    ڈفر: بہت شکریہ۔ مبارکباد قبول لی :) ۔ جب تک زرداری صاحب اور سترہویں ترمیم کا دور دورہ ہے، وزیرِ اعظم کا یہی حال رہے گا :-(
    افتخار اجمل بھوپال: :-s نہ جانے اس اکثریت کو کب ہوش آئے گا۔

    شکاری: وہی تو۔ عادت ہم نے چھوڑنی نہیں اور مقابلہ بھی کرنا ہے ساری دنیا سے۔ :-s
    فیصل: شکریہ فیصل۔ لیکن ہم conspiracy تھیوری کو بھی ڈھنگ سے اپلائی نہیں کرتے ناں۔ اب یہ کیا کہ سالن میں مرچیں خود سے زیادہ ہو گئیں اور الزام ڈال دیا کسی نا دیدہ دشمن پر :D
    میل گبسن کی کون سی فلم؟ میں تو اس کو بریو ہارٹ تک ہی جانتی ہوں :) ویسے یہی سنا ہے کہ میل گبسن یہودیوں کے خلاف اور سپیل برگ یہودیوں کے حق میں۔

  • فرحت کیانی نے لکھا :۔
    24 January 2009 at 00:01

    :kool درخواست کا لفظ سن کر میں خود کو افسر افسر محسوس کرنے لگی ہوں :daydream


    شکاری: بی بی تو دسمبر 2007 میں اس دنیا سے غائب ہو گئی تھیں۔ اور ان کی واپسی نا ممکن ہے :angelic

    واقعی بہت مشکل ہے پرفیکٹ تھیم ڈھونڈنا۔ جو پسند آتا ہے اس میں کچھ نہ کچھ ایویں سا ضرور ہوتا ہے :hmm: آپ یہاں دیکھیں۔ اور یہاں بھی۔ شاید کوئی تھیم پسند آ جائے۔

  • بدتمیز says:
    24 January 2009 at 15:35

    سپیل برگ یہودی ہے۔ برگ یہودیوں کا نام ہوتا ہے۔ میل گبسن عیسائی ہے۔

  • فیصل says:
    24 January 2009 at 15:52

    http://www.imdb.com/title/tt0118883/
    یہ لیں جی۔

    فیصل \\\´s last post: سولہواں نمبر

  • فرحت کیانی نے لکھا :۔
    26 January 2009 at 03:12

    بدتمیز: جی اور دونوں کا اپنے عقیدے میں کٹر ہونے کے بارے میں بہت سنا ہے۔
    @فیصل: شکریہ :) ۔ مجھے اندازہ نہیں ہوا تھا کہ فلم کا نام بھی یہی ہے :blush: ۔ تعارف سے تو دلچسپ لگ رہی ہے اس لئے اب دیکھنی پڑے گی :)

آپ بھی اپنا تبصرہ تحریر کریں

اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔

اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔