Tuesday, 24 August 2010

امید ابھی کچھ باقی ہے!

میرا شمار خوش امید لوگوں میں ہوتا ہے لیکن گزشتہ چند دنوں میں پاکستان پر مصائب کی ایک نئی لہر نے اداسی کے ساتھ ساتھ مایوسی کی طرف دھکیلنا شروع کر دیا تھا۔ قدرتی آفت اور اپنی بے حسی دیکھ کر یوں محسوس ہو رہا تھا کہ شاید خدانخواستہ اب کچھ بھی نہیں بچے لگا لیکن کل شام سے جیسے امید کے چراغ پھر سے روشن ہونا شروع ہو گئے ہیں۔ متاثرینِ سیلاب کے لئے لگائے گئے جس کیمپ  سے گزرتے ہوئے مجھے کبھی دو چار لوگوں اور آٹھ دس تھیلوں کے سوا کچھ نہیں دکھائی دیتا تھا وہا‫‫ں سے ہر شام 3 ٹرک امدادی سامان لیکر متاثرینِ سیلاب کی اور نکلتے ہیں۔
میں نے عمران خان کی پکار پر قوم کو پھر مدد کے لئے سامنے آتے دیکھا۔ اورمحض ایک گھنٹے میں سیلاب زدگان کی مدد کے لئے پچھتر لاکھ روپے اکٹھے ہوتے دیکھے۔
میں نے کل شام ایدھی صاحب کو وہیل چیئر پر بیٹھے جناح سُپر اسلام آباد میں متاثرینِ سیلاب کی مدد کے لئے اپیل کرتے اور اس کے جواب میں لوگوں کو اپنی جیبیں خالی کرتے دیکھا۔

اور میری آج کی صبح گزشتہ بہت سی مایوس اور بے رنگ صبحوں کی نسبت ایک بار پھر امید کے رنگ لئے ہوئے ہے۔ اگرچہ یہ رنگ اتنے چمکدار اور روشن نہیں ہیں لیکن میں اب بھی مایوس نہیں۔

؂ نہیں ہے نا امید اقبال اپنی کشتِ ویراں سے۔۔۔

7 comments:

  • محمداسد says:
    24 August 2010 at 13:05

    خدا کرے کہ یہ حوصلہ مند افراد اپنے مقاصد کے تکمیل تک ثابت قدم رہیں۔

  • خرم ابن شبیر says:
    24 August 2010 at 13:42

    جزاک اللہ پڑھ کرخوشی ہوئی اللہ تعالیٰ ہمیں ایک کر دے تاکہ ہم مل کر اپنے بہن بھائیوں کی مدد کر سکیں آمین

  • [...] پریشان کن دنوں اور خبروں کے بعد آج فرحت کیانی کی پوسٹ امید ابھی کچھ باقی ہے دیکھ کر اداسی کم ہوئی اور پوری پڑھنے کے بعد امید کی [...]

  • افتخار اجمل بھوپال says:
    24 August 2010 at 18:15

    اُميد باقی جان باقی ۔ جان باقی انسان باقی ۔ انسان باقی جہان باقی

  • محب علوی says:
    24 August 2010 at 18:21

    امید کی ایک شمع اس پوسٹ‌ سے میں نے بھی جلانے کی کوشش کی ہے فرحت

  • فرحت کیانی نے لکھا :۔
    26 August 2010 at 12:50

    محمداسد:
    ثمِ آمین


    خرم ابن شبیر:
    :)


    افتخار اجمل بھوپال:
    بالکل :)

    محب علوی:
    بہت شکریہ محب :) ۔ ہمیں ایک دوسرے کا حوصلہ بڑھانے کی بہت ضرورت ہے۔

  • امید says:
    24 October 2010 at 23:51

    اسلام علیکم فرحت ،
    آج آپ کی یاد آپ کے بلاگ پر لے آئی ۔۔۔

    صحیح کہا آپ نے امید ابھی کچھ نہیں پوری باقی ہے جبھی تو ہم ہر مشکل ،ہر آفت ،ہر آزمائش سے نبدآزما ہو کر بھی حوصلہ نہیں ہارتے

    امید

آپ بھی اپنا تبصرہ تحریر کریں

اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔

اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔