تُو جو نہیں ہے تو کچھ بھی نہیں ہے۔۔ایس۔بی۔جون

میں عموماً ہندی فلمیں نہیں دیکھتی اس لئے اکثر ان کا کوئی مشہور گانا سننے کا موقعہ تب ملتا ہے جب وہ دوسروں کے لئے پرانا ہو جاتا ہے۔۔وہ بھی اتفاق سے گاڑی میں یا جب کسی کو گنگناتے سنوں۔۔ورنہ میری سوئی پاکستانی راک بینڈز پر ہی اٹکی رہتی ہے۔۔ :D
غالباً 2006 میں 'وہ لمحے' ریلیز ہوئی تھی اور اس کے بعد میری ایک کزن نے میری مت مار دی تھی۔۔یہ کہہ کہہ کر کہ آپی اس فلم کا گانا 'تُو جو نہیں ہے' ضرور سنیں۔۔جو کہ کافی عرصے بعد میں نے سن ہی لیا اور اچھا بھی لگا۔۔۔لیکن مجھے نہیں معلوم تھا کہ یہ کسی پرانے پاکستانی گانے کا نیا ورژن ہے۔۔ اس دفعہ گھر گئی تو ایف ایم پر 'ایس۔بی۔جون کا  گایا ہوا یہی گانا سنا جو مجھے نئے والے سے زیادہ اچھا لگا۔۔ یو ٹیوب پر ڈھونڈا تو انہی گلوکار کا کم از کم تین مختلف مواقع پر گائے ہوئے اسی گانے کی ویڈیوز ملیں۔۔ 1959، 1972 اور شاید  1980s میں گایا ہوا ۔۔۔پہلی دو تو مجھ سے بھی پرانی نکلیں :D
مجھے نئی بات یہ معلوم ہوئی کہ 'وہ لمحے' میں یہ گانا ایس ۔بی جون کے بیٹے 'گلن جون(GLENN JOHN)' نے گایا ہے۔۔ ویسے نئے گانے
کے بول پرانے سے مختلف ہیں ۔۔۔بہرحال مجھے تو اب نئے گانے کے مقابلے میں پرانا والا زیادہ اچھا لگتا ہے۔

1959 آڈیو

تُو جو نہیں ہے تو کچھ بھی نہیں ہے
یہ مانا کہ محفل جواں ہے حسیں ہے
تُو جو نہیں ہے تو کچھ بھی نہیں ہے
یہ مانا کہ محفل جواں ہے حسیں ہے

نگاہوں میں تُو ہے یہ دل جھومتا ہے
نگاہوں میں تُو ہے
نہ جانے محبت کی راہوں میں کیا ہے
نہ جانے محبت کی راہوں میں کیا ہے
راہوں میں کیا ہے
جو تُو ہمسفر ہے تو کچھ غم نہیں ہے
یہ مانا کہ محفل جواں ہے حسیں ہے

 

وہ آئیں نہ آئیں جمی ہیں نگاہیں

وہ آئیں نہ آئیں جمی ہیں نگاہیں
ستاروں نے دیکھی ہیں جھک جھک کے راہیں
ستاروں نے دیکھی ہیں جھک جھک کے راہیں
جھک جھک کے راہیں
یہ دل بدگماں ہے نظر کو یقیں ہے
یہ مانا کہ محفل جواں ہے حسیں ہے